स्वास्थ्यकर्मीलाई कोरोना देखिएपछि राप्ती स्वास्थ्य विज्ञान प्रतिष्ठानको सबै सेवा दुई दिनका लागि बन्द गरिएको छ। स्वाब परिक्षणका क्रममा प्रतिष्ठानमा कार्यरत दुई महिला र दुई पुरुष गरी चार जना स्वास्थ्यकर्मीमा कोरोना पोजेटिभ देखिएपछि आज सबै सेवा बन्द गरिएको प्रतिष्ठानले विज्ञप्ति निकालेर जानकारी दिएको छ ।

प्रतिष्ठानका अस्पताल निर्देशक, नर्सिङ इन्चार्ज, इमर्जेन्सी वार्डमा कार्यरत एक स्वास्थ्यकर्मी र आइसोलेसन वार्ड इन्चार्जसहित चार जनामा कोरोना पोजेटिभ देखिएको हो । २४ र २५ बर्षिया महिला र ३९ र ४२ बर्षिय पुरुष स्वास्थ्यकर्मीमा कोरोना देखिएको छ। आइतबारसम्म अस्पतालले दिने सबै प्रकारका सेवा बन्द गरिएको हो। स्वास्थ्यकर्मीमा कोरोना देखिएपछि स्वास्थ्यकर्मीसँग सम्पर्कमा आएकाहरुको खोजी गर्न थालिएको छ।